19

ബെ​ർ​ലി​ൻ: ജ​ർ​മ​നി​യി​ലെ ര​ണ്ടാ​മ​ത്തെ വ​ലി​യ വി​മാ​ന​ത്താ​വ​ള​മാ​യ മ്യൂ​ണി​ക്ക് രാ​ജ്യാ​ന്ത​ര വി​മാ​ന​ത്താ​വ​ള​ത്തി​ൽ ഡ്രോ​ൺ സാ​ന്നി​ധ്യം ക​ണ്ടെ​ത്തി​യ​തി​നെ​ത്തു​ട​ർ​ന്ന് വി​മാ​ന സ​ർ​വീ​സു​ക​ൾ താ​ൽ​ക്കാ​ലി​ക​മാ​യി നി​ർ​ത്തി​വ​ച്ചു.

സു​ര​ക്ഷാ മു​ൻ​ക​രു​ത​ലി​ന്‍റെ ഭാ​ഗ​മാ​യി റ​ൺ​വേ​ക​ൾ പൂ​ർ​ണ​മാ​യും അ​ട​ച്ചി​ട്ട​തോ​ടെ നൂ​റു​ക​ണ​ക്കി​ന് യാ​ത്ര​ക്കാ​രാ​ണ് വ​ല​ഞ്ഞ​ത്. യു​എ​ഇ​യി​ൽ ന​ഴ്സിംഗ് മേ​ഖ​ല​യി​ലും സ്വ​ദേ​ശി​വത്കര​ണം, ആ​രോ​ഗ്യ മേ​ഖ​ല​യി​ൽ വ​ൻ​മാ​റ്റ​ത്തി​ന് വ​ഴി​യൊ​രു​ക്ക​ൽ ശ​നി​യാ​ഴ്ച രാ​വി​ലെ ഒ​ൻ​പ​തോ​ടെ​യാ​ണ് വി​മാ​ന​ത്താ​വ​ള​ത്തി​ന് സ​മീ​പം സം​ശ​യാ​സ്പ​ദ​മാ​യ രീ​തി​യി​ൽ ഡ്രോ​ണു​ക​ൾ പ​റ​ക്കു​ന്ന​ത് ര​ണ്ട് പൈ​ല​റ്റു​മാ​രു​ടെ ശ്ര​ദ്ധ​യി​ൽ​പ്പെ​ട്ട​ത്.

ഉ​ട​ൻ ത​ന്നെ എ​യ​ർ ട്രാ​ഫി​ക് ക​ൺ​ട്രോ​ളി​നെ​യും സു​ര​ക്ഷാ വി​ഭാ​ഗ​ത്തെ​യും വി​വ​രം അ​റി​യി​ക്കു​ക​യും സു​ര​ക്ഷാ ഭീ​ഷ​ണി മു​ൻ​നി​ർ​ത്തി ജ​ർ​മ​ൻ എ​യ​ർ ട്രാ​ഫി​ക് ക​ൺ​ട്രോ​ളു​മാ​യി ആ​ലോ​ചി​ച്ച് റ​ൺ​വേ​ക​ൾ അ​ടി​യ​ന്തി​ര​മാ​യി അ​ട​ച്ചി​ടാ​ൻ അ​ധി​കൃ​ത​ർ തീ​രു​മാ​നി​ക്കു​ക​യു​മാ​യി​രു​ന്നു.

ഡ്രോ​ൺ ക​ണ്ടെ​ത്താ​നാ​യി വി​മാ​ന​ത്താ​വ​ള പ​രി​സ​ര​ത്ത് വ്യാ​പ​ക​മാ​യ തി​ര​ച്ചി​ലാ​ണ് പൊ​ലീ​സ് ന​ട​ത്തി​യ​ത്. ഏ​ക​ദേ​ശം ഒ​രു മ​ണി​ക്കൂ​റോ​ളം നീ​ണ്ട പ​രി​ശോ​ധ​ന​ക​ൾ​ക്കൊ​ടു​വി​ൽ പൊ​തു​ജ​ന സു​ര​ക്ഷ​യ്ക്ക് ഭീ​ഷ​ണി​യാ​കു​ന്ന ത​ര​ത്തി​ലു​ള്ള മ​റ്റ് സാ​ഹ​ച​ര്യ​ങ്ങ​ൾ ഇ​ല്ലെ​ന്ന് പൊ​ലീ​സ് സ്ഥി​രീ​ക​രി​ച്ചു.

തു​ട​ർ​ന്നാ​ണ് രാ​വി​ലെ 10.05ഓ​ടെ വി​മാ​ന സ​ർ​വീ​സു​ക​ൾ പു​ന​രാ​രം​ഭി​ക്കാ​ൻ അ​നു​മ​തി ന​ൽ​കി​യ​ത്. സം​ഭ​വ​ത്തെ​ക്കു​റി​ച്ച് മ്യൂ​ണി​ക്ക് ട്രാ​ഫി​ക് പൊ​ലീ​സ് കൂ​ടു​ത​ൽ അ​ന്വേ​ഷ​ണം ന​ട​ത്തി​വ​രി​ക​യാ​ണ്. റ​ൺ​വേ​ക​ൾ താ​ത്കാലി​ക​മാ​യി അ​ട​ച്ച​തി​നാ​ൽ പ​ല വി​മാ​ന​ങ്ങ​ളും വൈ​കി​യാ​ണ് സ​ർ​വീ​സ് ന​ട​ത്തു​ന്ന​ത്.